Op Donderdag 25 Oktober het Alexa Steenkamp (hoofdogter) en Tazreeq Moerat (hoofseun) namens die matrieks van 2023 amptelik hul matriekgeskenk aan die hoof, mnr. Paul Viljoen, en die waarnemende hoof van 2023, mnr. André Oberholzer, oorhandig.

Hierdie pragtige beeld met die titel Saam is ons sterker is in die visdam aangebring. Die treffende beeld is deur die bekende beeldhoudster, Lenie Harley, 'n oud-Gim-ouer geskep. Die beeld van 'n seuns- en dogtershand wat na mekaar en na Bo reik, simboliseer die eenheid, krag en samewerking van die Gim-familie in die verlede, hede en toekoms. Terwyl die Water van die Lewe oor hulle spoel, hou hul vas aan die waardes en tradisies wat deur vorige generasies oorgedra is.

Dit span die kroon op 'n baie suksesvolle en besonderse jaar. Dankie, Matrieks 2023